Heroes 第二季十二月完?!
–‘Heroes’ Season 2 Finale Coming in December?
Heroes Season 2 剛剛劇情剛剛才上力喎, 你下個月完? 無病呀, Writer 罷工你咪暫停囉, 咁cut 左佢, 唔係幾好喎. 雖則season 2 頭五集被fans 們投訴得厲害, 收視急跌, 更搞到Tim Kring 要走出來道歉.
可能我頭五集一次過睇, 感受沒有那麼大, 但亦難免被人投訴, 故事推進實在太慢, Peter 被搞到失憶, 情有可原, 早說過Peter 能力屈機, 太快變成無敵, 故事亦很難寫下去. Hiro 回古代日本太久, 被人說實在太過無謂, 不過剛剛的第七集終於開始將之連結在一起. Claire 上季十分正氣, 有責任感和愛家庭, 但今季卻有異性無人性, 是一個受歡迎人物, 變成這樣子, 難怪被人說要修正這條支線. 還有種種原因, 不過對我來說, season 2 還算不錯, 除了hiro 回古代太久和Claire 那條線外, 其他還算不錯. 而且主線由第六集起亦漸明顯. 但如果下個月就完, 就肯定難尾.
還有套Lost, 只拍了6 集, 尚餘 2 集劇本, 今次事件對Lost 影響更大, 劇情是Lost 靈魂, 說到第三季還未完全了解個Island, 都吸引到人去繼續追(其實第二季真的麻麻). 慘啦, 兩套都係我最喜歡的電視劇, 因為罷工, 兩套都分分鐘出問題, 咁點算呢?
喧囂的二樓 
第二季開始暴走跳線﹐沒有有點子要翻抄超能力﹐同第一集比差很遠。不過其實第一集個結尾都有點牽強。
與其草草收場﹐不如停拍好過。
係啦, 真係停拍好過.
剛看完整個volume2，season 2 還會繼續呢
這集最差的線我倒覺得是peter 的線，快快趣去到佢地返去未來會好睇好多；Adam在現代也沒有很到肉的劇情，所以呢隻Peter真係一個白痴仔一樣@@
古代線明顯太長，但當去到知道當中原因又會覺得情有可原；
其實今集諗住玩多支線慢慢砌，但可知道睇電視劇唔係咁有耐性，尤其是上集編得咁好的時候，實貨比貨。
都係既, 電視劇一星期才一集嘛.
上集除了編得好, 還因為大家都期待一眾英雄相遇, 但來到今集, 過份分拆, 似有若無繼續生活, 觀眾的情緒難免覺得太過悶. 雖則對我來說還是可以的, 因為覺得這樣做是為避免變成另一套Xmen