喧囂的二樓

港漫短評 July 2014

Posted in Uncategorized by simonkan1018 on 七月 20, 2014

大渡集結號- 將四期合一, 一期完是明智的決定,因為拆開一定唔㑹繼續買。難得揾左咁多個主筆搞, 好心就寫好d個故仔,一味靠暗諷,唔識港漫以前的恩恩怨怨,真係唔知你想講乜。人物一個一個咁出,唔吸引,悶到死,分開兩次先睇得完呢本書。如果只係想自己人自high一番,根本不需要浪費金錢出呢本精裝,放係網上娛人娛己好過。係書展買七十蚊本,好彩無買個d特別版,唔係真係後悔一世。

鐵將縱橫 - 無買好耐,係天空城未打完已經放棄,不過友人話而家仲好好睇,忍唔住又買返,覺得又真係打得幾好睇,可能呢排只係左幾本大渡既書同和仔,無乜邊本打得咁精彩。太祖家陣生猛返哂確實精彩。雷祖係我中意既角色,呢幾期應該睇住佢死。鐵縱橫路人化,其實都幾好,都唔係好中意呢d咁正氣既主角。

大軍閥 - 去第十期先入戲肉,真係幾擔心佢既銷量。軍團加技能, 當然老土啦,不過輕輕鬆鬆搞下笑都幾好。封神記講d比較表明既政治,今次覺得講多d揾食係咪大x哂,一d比核心既核心價值,如果之後都能發揮多d,同埋個班二打六高官有多d伏線,應該㑹更好睇。

同伴-咁多本大渡書一開始最唔睇好呢本,但最後係最好睇既一本。有d前後倒敍,無乜拖戲,整體不錯,同時又無乜特別,可能寫得青春唯熱血不夠。

魔武渡- 又寫元朝。最特別係三個主角既關係,的確有d醒神。

自強不息- 其實我幾中意呢本,因為夠哂美漫feel. 但個名同封面真係趕客,提早完結都係預料之中。每個主角都有缺陷,但打鬥又唔係好感覺到,除左打鐵縺人有幕因為黑哂,主角聽唔到處住下風。但之後無以為繼。

 

Tagged with:

港漫短評 – 2013 April

Posted in acg, Uncategorized by simonkan1018 on 四月 28, 2013

封神紀3

同幻島之民打,打了那麼多期,真的幾悶。尤其是, 打得不太好看, 覺得不過讓他們顯顯身手和特徵,加上和神族對打那場比,差得太遠。神族由第一部講到第二部先正式堅打,這批幻島怪人突然殺出來挑機,對他們沒有甚麼情感,所以無論變甚麼霸體不霸體,總覺得不太好看。阿狗同不怒玩左咁耐都算,之後仲要好似幽遊白書一場場對打,真係好悶。好彩終於今期劇情有多少進展,向幻島出發。

龍抬頭

確實有多少肥良風格,像海虎1。不過今年是2013年,再寫差不多風格的東西,真的不太行。我估未必做得長,但估不到六期就要收皮。個人認為,最難頂是那些顏色,令我覺得真的還在海虎1的年代。其次,角色用了太膠名,甚至進化燃燒這個名都有多少膠味。劇情平平都算一個失著吧。係打爆條脊骨,就第一期打吧,這幕放得太遲。不過,後一期就講原來集中精神就會自癒。。。頂你呀。之於個大陰謀,還在鋪排中,很難說好或不好吧。睇完第四期說要提早收皮,又可省掉十五元了。

上次買一漫年的書,已經是幻城,十五期就玩完。溫群買到小石插關七一刀後無再看,卻能好地地結局。

 

鐵將縱橫

總算不過不失,之前火祖打雷祖打得不錯,可惜大家早就期望雷祖今次必勝,刺激感少少沖淡了。緊接的移動城堡大混戰,鋪排了幾期,現在才開始正式入肉,希望有多少睇頭。

 

Tagged with:

港漫短評

Posted in Uncategorized by simonkan1018 on 九月 1, 2012

很久沒有寫港漫,不是因為沒有再看,只不過這年有點懶。

封神紀2

依然精彩,尤其和仔結合很多近期政治事件入漫畫裏,大和解,起義,不願做奴隸的人們等等。 最爽,莫過於阿狗對神眼一矢中的批評,”他媽的袮這傢伙絕對信不過去!”,然後,今期又會看到一眾冥族因為神眼的開出小利而人心潰散。 實在太似現今的香港情況了。看得興奮,又為香港神傷。

阿狗變左超級撒亞人,好似悟空咁儲元氣彈。 神劍繼續不死,不過佢人氣咁高,除非最後大戰,才會弄死他吧。子羽比阿狗型太多了,更加徹底的個人主義。

當然,更加期望和仔的短篇。

鐵將縱橫

來到廿七期,舞台移去西藏,背景設計突然覺得似曾相識,一看編劇,啊,原來是周顯。因為剛看完周顯的趙四冒險記之神龍家族的大秘密, 所有設定都一模一樣。 希望麒麟劍的祕密不會和神龍家族的一樣吧。。。雖然現在的傾向太似了。

藏王那日, 好似另一個北院。鐵縱橫其實繼續路人化都幾好,赤殺和雷祖個人魅力和傳奇得多。

Tagged with: