喧囂的二樓

大概, 一生中總會被搵下笨

Posted in Uncategorized by simonkan1018 on 十二月 19, 2009

話說, 經本地一間公司(即係成日在地鐵擺攤位個間)訂左本雜誌, 嘔左幾千錢, 不過都值.

上月尾, 呢間公司打黎sell 一個club, 當然送乜送乜, 我當然唔要啦, 要我無啦啦又嘔多二千蚊去入會. 之但係, 佢話可以在UA買一送一戲飛時, 又突然心動, 用來溝女的成本大減. 卒之, 我在大便途中, 被人sell 左落疊.

收到張card後, 去個website 睇, UA 個優惠已經完結, 而且, 每個會員只限用一次買一送一優惠. 睇完呢度, 我就證實被搵了笨實. 其實當日話入會後, 就覺得唔多妥, 因為我平時絕不會透過電話去買野. 現在回想, 我諗有以下幾個原因令我做左一次傻仔:

1.佢唔係無啦啦打電話黎, 而係訂雜誌個間, 都算比陌生人高多零點一單位熟絡度.

2. UA 買一送一, 我等戲院常客, 係幾吸引.

3. 另送一個身體檢查, 包好Q多項, 唔值一千都值幾百

4. 千幾二千蚊, 都算蝕得起

5. 大便中途, 突然腦筋停頓

6. 個會還另外主打大量美食優惠, 唔食得都睇得.

7. 可以去Megabox 玩個個模擬飛行 (原來都只係得八五折)

8. 個日公司續左我份約, 有多一個月工返

因此, 我得到的教訓是

1. 應該堅持自己的信念, 所有電話sell野的都是騙人的. 今次是第一次, 亦是最後一次.

2. 如果優惠真的很吸引, 應該問埋係咪永久使用

3. 千幾蚊都係錢, 不應掉以輕心

4. 大便途中, 不宜考慮任何關於錢銀的決定

5. 就算真的想落疊, 亦不應立刻答應, 等自己掛斷線後冷靜一下, 三思後再決定是否真的要落疊

6. 訂雜誌, 亦不應透過本地代理, 應直接向雜誌社訂, 因為本地代理一倒閉, 我們亦不會再收到雜誌. 因為那些錢其實還在代理手裏, 未完全過數給雜誌社. 最理想是只買雜誌的網上版, Green!

總結. 那二千蚊其實不至total loss, 剛看過那些美食優惠還算可以, 有的可減成一百元. 不過那些餐廳多數在九龍或港島, 我的朋友們只會在荃灣覓食, 很難叫他們去他區食飯. 說穿了, 這種騙局, 最吃人的是, 為了追回那些入會費, 唯有繼續不停消費.

今次都可算難得糊塗, 但人生中, 又難免會糊塗幾轉. 可能因今次的千多元錢損失, 而避免了下次幾萬元的陷阱. 塞翁失馬, 焉知非福.

廣告
Tagged with: ,

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: