喧囂的二樓

Posted in me by simonkan1018 on 十二月 18, 2007

開會. 因我的supervisior將放假, 需要交低一些"身後事".

會中, 討論公司還是否需要那個part-time女仔, 一星期返兩日, 主要係filing 和影印. 其實我做了幾個星期, 她有時可以得閒到做功課, 而她的位置亦對正Finance dept 老細. 相信Finance 老細因此正式詢問我們account 老細, 究竟還是否需要這麼一個人, 覺得我地無用盡這個part-time, 尤其是現在多了一個temp, 她亦未得到正式回覆就同HR講將會一個換一個的形式請temp, 所以希望我地盡快決定要唔要這個part-time, 避免令HR覺得我地講一套做一套. 我對於要唔要這個part-time 又無乜意見, 雖則佢係負責做filing 和影印, 不過我都唔敢攞我d 野給她做, 話哂都算同輩, 叫佢幫我做野總覺得怪怪的.

事不關已, 我當然不會出聲. 同事們則覺得有需要, 一來個女仔下個sem都唔閒幫手, 我地老細同時已經叫左佢聖誕期間回來幫手(大量同事請假), 實質個女仔最多都做到一月十幾日, Finance 老細死都要佢走, 都不過比原定早一兩個星期而已; 二來, 我前面個位男同事, 和part-time 女仔糖黐豆咁, 佢當然第一個話覺得有需要啦.

之前, 老細同我講, 請跟人頂我做的東西, 而我則會做大肚婆的位置. 結果請多了個temp回來, 因為根本沒有人見工. 年尾等出雙糧, 焉有人轉工? 結果只好請兩個temp. 其實, 由頭到尾, 他們都說請我回來是因為大肚婆將放假, 我原定是做大肚婆(其實都大完肚啦)的位置, 因為她做的東西比較輕鬆, 量亦不多. 而我家陣做的位置, 則是一舊豬頭骨, 多野做到仆係度, 實質上我已經和一個正職無異, 只差在人工上的差距.

工作上其中有一項比較複雜的東西, 在會上, 上司說
“之於呢項, 我都知大家掂得比較少, 不太熟, 大家盡量幫下simon啦"
沒有人回應
“其實, 可能simon 家陣仲熟過你地"
眾人笑著說同意.
頂, 打死都話唔熟啦, 如果話識佢地咪要揹呢舊野. 家陣有咩事都係得我一個揹, 仲要直接同老細交待, 誰人又會無啦啦, 整撻疤.

昨 日才知道, 老細房內的類似秘書的姐姐(雖則她看上去和我同年), 之前在四大捱了三年auditor, 考完試才跳出來, 因為受不了超長工時, 令她好似無哂朋友咁. 之前她是代表四大幫呢間公司做auditing, 結果就被撬了過來. 其實, 家陣佢都好夜先走, 只差在不用像以前咁要通宵.

Lunch 和同年同屆同校同系的temp食(實則其他同事都不會和我們食飯, 我們可是相依唯命), 雖則有人陪係不錯(可惜唔係靚女), 不過消費亦直線上升, 亦見她食量奇小, 一個麵都吃不完(佢今晚仲話去打邊爐, 蝕哂), 於是飯後提出不如lunch食麵包,

“其實你來之前我都係食麵包"
“你夠ga la?"
“點解每個人咁驚訝我只係食麵包"
“唔好啦, 留返返過去先食啦"

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: